Lekker nagereg na ‘n braai

• 250 ml koekmeel
• 6 piesangs
  Appels of pynappel wat geskil, ontkern en in dik skywe gesny is,
  kan in die plek van die piesangs gebruik word.
• 2 ml sout
• sonneblomolie
• 2 eiers, geklits
• versiersuiker om oor te strooi
• melk

1. Sif meel en sout.
2. Voeg eiers en genoeg melk by om ‘n dik, romerige beslag te vorm.
3. Laat 1 uur lank staan.
4. Halveer piesangs oorlangs en doop in beslag.
5. Braai piesangs dadelik 3 – 4 minute lank aan elke kant in warm olie tot goudkleurig.
6. Strooi versiersuiker oor en sit voor met ekstra suiker, stroop of heuning.
7. Lewer 6 porsies. (Verdun oorskiet beslag en gebruik vir pannekoek.)

Bestanddele – Tert

• 1 Blik Tert Appels (Klein)
• 4 e Botter
• 1 ½ k Suiker
• 4 Eiers
• 1 ½ k Melk
• 1 ½ k Bruismeel
• Knippie Sout
• 1 ½ t Bakpoeier

Bestanddele – Sous

• 250 ml Room
• 1 ½ t Karamel essens
• ½ k Suiker

Metode Tert

1. Klits Eiers.
2. Smelt Botter en Suiker saam.
3. Meng eiers en botter/suiker mengsel.
4. Voeg ander bestanddele by (behalwe appels) en klits goed.
5. Sit Appels in pan.
6. Gooi mengsel oor die appels.
7. Bak teen 180°C vir 45 minute

Metode Sous

1. Gooi alle bestanddele in ‘n potjie en verhit.
2. Wees versigtig want die room kook maklik oor.
3. Gooi die warm sous oor die tert sodra die tert uit die oond kom.

Wenk

Vir ‘n lekker klam tert voeg nog so ‘n koppie room of melk by.
Indien die bestanddele verdubbel word dan is die mengsel net genoeg vir ‘n oondpan.