Sjokolade Mayonnaise Koek

Bestanddele

Koek:

• 500 ml koekmeel
• Knippie sout
• 250 ml suiker
• 80 ml kakao
• 5 ml kitskoffiepoeier
• 7,5 ml koeksoda
• 5 ml bakpoeier
• 250 ml mayonnaise
• 250 ml afgekoelde kookwater
• 10 ml vanieljegeursel

Versiersel:

• 500 g versiersuiker
• 100 g margarien
• 80 ml kakao
• 10 ml vanieljegeursel
• ± 60 ml melk

Metode

Vir die koek:

1. Klop die suiker en mayonnaise saam met ’n draadklitser.
2. Sif die meel, sout, kakao, koeksoda en bakpoeier saam.
3. Los die kitskoffiepoeier in die kookwater op en voeg die vanieljegeursel by.
4. Voeg die meelmengsel en die koffiewater beurtelings by die mayonnaise-suikermengsel en meng tot net gemeng.
5. Verdeel die beslag gelyk tussen twee gesmeerde 18 cm-koekpanne.
6. Bak in ’n voorverhitte oond teen 180°C vir ± 30 minute of tot gaar.
7. Laat 10 minute afkoel in die panne en keer dan uit op ’n draadrak om heeltemal af te koel.

Vir die versiersel:

1. Maak die margarien sag in die mikrogolf.
2. Klop dit saam met ’n bietjie van die versiersuiker tot goed gemeng.
3. Voeg die vanieljegeursel by.
4. Voeg die res van die versiersuiker en net genoeg melk om die beurt by, totdat die versiersel die regte dikte het.
5. Klits nog sowat 3 minute tot lig en romerig.
6. Versier die koek soos jy wil. Jy kan ook ekstra karamel en Rolo’s bo-op sit vir ’n ekstra bederf.
7. Hierdie koek is super klam en ryk – die mayonnaise vervang olie en eiers en gee daai ongelooflike tekstuur.