Maklike Mikrogolf Krummelpap

Porsies: 6-8

• 3 koppies mieliemeel
• 2 t sout
• 2 t bakpoeier
• 1.2 liter kookwater
• 2 E botter

1. Mikrogolf die droë meel in ‘n onbedekte mikrogolf bak vir 5 minute op hoog.
2. Verwyder en voeg die sout en bakpoeier by en meng goed deur.
3. Smelt die botter in die kookwater en giet by die droë meel mengsel.
4. Meng goed deur tot alle meel bedek is met die botter water.
5. Plaas ‘n deksel of bord op die bak en mikrogolf vir 8 minute op hoog.
6. Verwyder van mikrogolf en krap die pap deurmekaar met ‘n groot vurk tot krummelrig.
7. Plaas terug in die mikrogolf en herhaal die laaste proses (mikrogolf weer vir 8 minute bedek en krap deurmekaar met ‘n vurk).
8. Bedien met gebraaide wors en tamatie-en-uie smoor.
9. Kinders is mal oor dit met suiker en melk.