Pampoenpoffertjies

Bestandele:

Poffertjiesbeslag:

• 750 ml gaar fyn pampoen
• 2 eiers
• 5 ml sout
• 500 ml bruismeel
• 15 ml bakpoeier
• 500 ml olie om die poffertjies in te braai.

Stroop:

• 500 ml suiker
• 250 ml water
• 125 ml melk
• 30 ml botter
• sout
• 10 ml mielieblom/ mazina

Metode:

Poffertjiesbeslag:

1. Klop die gaar fyngedrukte pampoen, eiers en sout.
2. Meng die bakpoeier en bruismeel by.
3. Verhit die olie in n pan en skep lepels vol van die beslag in die warm olie.
4. Draai om as dit bruin is en dreineer op kombuispapier in n bak.
5. Hou dit warm.

Sous:

(Sous kan in die mikrogolf gemaak word, jy kan dit in n pot op die stoof ook maak)

1. Mikrogolf die suiker, melk, water en botter vir 5 minute.
2. Roer dit totdat die suiker opgelos is.
3. Meng die mielieblom met n klein bietjie water totdat dit glad is.
4. Roer dit by die suikermengsel en mikrogolf vir nog 2 minute.
5. Gooi die warm stroop oor die warm poffertjies.